Эдил БАЙСАЛОВ: «КЕЛЕРКИ ЖЫЛЫ БАРДЫК МУГАЛИМДЕР НОУТБУК МЕНЕН КАМСЫЗ БОЛОТ»

Министрлер Кабинетинин Төрагасынын орун басары Эдил Байсалов «Доор өзгөрткөн билим: Ийгиликтер. Көйгөйлөр. Мүмкүнчүлүктөр» аттуу республикалык педагогикалык кеңешмеде чыгып сүйлөп,
санариптештирүү мугалимдерге эң баалуу ресурсту – убакытты кайтарып бергенин баса белгиледи.

«Күндөлүк системасы мектептерге киргизилди жана бул жөн гана ыңгайлуу программа эмес, эбегейсиз кагаз жүгүн жок кылган жана мугалимдердин жума сайын ондогон сааттарын үнөмдөгөн реалдуу курал»,- деди ал.

Андан аркы сөзүндө Эдил Байсалов азыркы  жасалып жаткан иштер чоң архитектуранын обочолонгон элементтеринин башталышы гана экенин көрсөттү.

«Бүгүнкү күндө бул эффективдүүлүк, айталы, 10 пайызга гана ачылды, анткени санариптик чечимдер дагы эле бытыранды жана көптөгөн процесстер дагы эле параллелдүү — эски жана жаңы жолдор менен жүрүүдө. Биздин максат санариптик трансформацияны аяктоо: бардык кызматтарды, журналдарды, отчетторду, окуу материалдарын, аналитиканы жана коммуникацияларды бирдиктүү мамлекеттик билим берүү порталына бириктирүү, ошондо гана алар бардыгы бирдиктүү система катары иштей баштайт. Ошондо биз эффекттин чыныгы масштабын сезебиз: бүткүл өлкө боюнча мугалимдерге миллиондогон сааттар – формалдуулук жана отчеттор үчүн эмес, эң негизгиси: сабакка даярданууга, балдар менен баарлашууга, кесиптик өсүүгө жана өзүн-өзү өркүндөтүүгө жумшалат. Ошондуктан, мен бардыгынан сабырдуулукту суранам: биз жолубузду баштадык, азыр бул системаны бир заматта жетик талап кылуу эмес, бул системаны этап-этабы менен жетилгендикке жеткирүү маанилүү, анткени мындан бүтүндөй мектеп жана биздин бүтүндөй көп улуттуу элибиз пайда көрөт. Санариптик чечимдер менен бирге, биз мектептерди 21-кылымда керектүү шаймандар менен жабдыйбыз. Келерки жылы эле президенттин көрсөтмөсү менен бардык мугалимдер жеке ноутбук менен камсыздалат, анткени мугалимдердин заманбап иштөө шарты болмоюнча, заманбап мектеп болушу мүмкүн эмес»– деди Министрлер Кабинетинин Төрагасынын орун басары.

А.АЛИБЕКОВ, «Кут Билим»