Бишкектеги мектептер жана ЖОЖдор убактылуу онлайн-окутууга өттү

ЖККУ мамлекет башчыларынын кеңешинин жыйынына байланыштуу борбор калаадагы билим берүү мекемелеринде окуу процессине убактылуу өзгөртүүлөр киргизилди. Расмий иш-чаралардын өткөрүлүшү, алдыдагы шайлоолор жана билим берүү мекемелеринде санитардык даярдыкты камсыздоо зарылдыгы эске алынып, Бишкектеги бардык мектептер

25-ноябрдан 1-декабрга чейин онлайн-окутууга өткөрүлдү.

Бул мезгилде сабактар мектептердин бекитилген окуу пландары менен графиктерине ылайык онлайн форматта уюштурулат. Билим берүү башкармалыгынын маалыматына караганда, окуучулардын окуу программаларынан артта калышы күтүлбөйт.

2-декабрдан баштап мектептерде окутуу кадимки режимде улантылат.

Мындан тышкары, борбор калаадагы жогорку окуу жайлар да 25-ноябрдан 27-ноябрга чейин онлайн режимине өткөрүлдү.

(БК)