БАШ БАЙГЕНИН ЖЕҢҮҮЧҮСҮ  НУРЗАТ БЕКБАЕВА 

Талас шаарындагы “Баластан” балдарга билим берүү борборунда  мектептен тышкаркы кошумча билим берүүнүн агартуучуларынын өз  кесиптик чеберчилигин жакшыртууда “Жан дүйнөмдүн кесиби” аттуу облустук кароо-сынагында Талас райондук балдарга билим берүү борборунун  «Жаш эколог» ийриминин мугалими   Нурзат Бекбаева   өз чеберчилигин көрсөтүүдө баш байгеге ээ болуп, республикалык турга  жолдомо алды.

Маалыматка таянсак, сынак —  катышуучуларга тажрыйба алмашууга, балдардын жана өспүрүмдөрдүн потенциалын өнүктүрүү үчүн жаңы методикаларды сунуштоого мүмкүндүк берет.

— “Кесиптик билим берүүнүн отличниги” төш белгисинин ээси  Нурзат Бекбаева өз ишин мыкты билген агартуучу.  Ал бул кесипте 2004-жылдан бери үзүрлүү  иштеп келатат. Өзүнүн жоопкерчиликтүү ишинде  мыкты ийгиликтер жараткан кесипкөйлүгүнө жогору жактан баа берилип,  Талас районундагы №6 кесиптик лицейде   мугалимдиктен директордун орун басарына чейинки кызматта иштеп келген. Нурзат Кайтпековна буга   чейин  да “Жылдын  мыкты мугалими” кароо-сынакта республика боюнча  I  орунду багындырып, байгелүү сыйлыктарга  ээ болуп келген. Бул жолку баскычта да Талас облусунун намысын коргоп,  зор ийгилик менен келүүсүнө ишенебиз жана тилектешпиз! – дейт Талас облустук усулдук борбордун жетекчиси С.Бейшенова.

Гүлнара АЛЫБАЕВА, “Кут Билим”