Бүтүрүүчүлөр Tunduk аркылуу документ ала алат

Эми аттестат жана күбөлүктөрүн жоготуп алгандар документтин электрондук вариантын Tunduk мобилдик тиркемесинен же attestat.edu.gov.kg порталынан жүктөп алууга болот.

Мындай мүмкүнчүлүк 2018-жылдан кийин мектепти аяктагандарга гана жеткиликтүү болот.

Билим берүү жана илим министрлигинин маалыматы боюнча, 2023-2024-окуу жылында 11-класстын бүтүрүүчүлөрү үчүн 76 миң 244 аттестат, 9-класстын бүтүрүүчүлөрү үчүн 127 миң 176 күбөлүк кагаз жана электрондук варианттарда даярдалган.

Эльвира Какиева, «Кут Билим»