«AТАМЕНЕН»: БИЛИМ БЕРҮҮ ЧӨЙРӨСҮН ЖАКШЫРТУУГА КАРАТА ЖАСАЛГАН ОЛУТТУУ КАДАМ

Ат-Башы районунун Ак-Моюн айылында жайгашкан  А.Койчуманов атындагы жалпы билим берүү мектеби үчүн өзгөчө маанилүү күн болду. “Aта-МЕНен” долбоорунун алкагында мектепке 300 000 сомдук инвентарлар келип, пайдаланууга берилди. Бул окуучуларыбыздын сапаттуу билим алышына түзүлгөн чоң мүмкүнчүлүк жана билим берүү чөйрөсүн жакшыртууга карата жасалган олуттуу кадам.

— Өнөктөштөрдүн колдоосу — бул келечек муунга салынган инвестиция. Ар бир алынган инвентарь окуучулардын билим деңгээлин жогорулатууга, чыгармачылык жөндөмүн өнүктүрүүгө жана заман талабына жооп берген шартта билим алуусуна өбөлгө түзөт. Ошондой эле долбоорду демилгелеп, ийгиликтүү жазып, ишке ашырууга жетишкен мектеп жамаатына өзгөчө ыраазычылык билдиребиз. Мындан ары да мындай пайдалуу долбоорлор улантылып, окуучуларыбыздын ийгилиги артып, мектебибиздин аброю мындан да бийик боло берсин! – дейт айыл өкмөтү.

Г.А., “КБ”