“АЛТЫН КАЗЫК” БРЕНДИНДЕГИ НОУТБУКТАРДЫН САПАТЫ ТЕКШЕРИЛҮҮДӨ

Мугалимдерге арналган “Алтын Казык” брендиндеги ноутбуктардын техникалык талаптарга шайкештиги текшерилүүдө.

Текшерүүнү компетенттүү адистерден куралган комиссия жүргүзүүдө. Комиссия мүчөлөрү ноутбуктарды иштетип көрүп, аларга жүктөлгөн программалык продуктулардын актуалдуулугун текшерип, техникалык талаптарга шайкештигин аныкташууда.

22-январда талаптарга жооп берген ноутбуктардын алгачкы партиясы Каракол шаардык билим берүү бөлүмүнө өткөрүлүп берилди.
Ал эми кийинки партиялары жыл ичинде  аймактык билим берүү бөлүмдөрүнө да белгиленген тартипте өткөрүлүп берилет.

Эске сала кетсек, бул ноутбуктар И. Раззаков атындагы Кыргыз мамлекеттик техникалык университетинин “Технопарк” мекемесинин базасында чогултулган.