№40 «Күлдү» мектебинин окуучулары спорттук ийгиликтерге жетишти

№40 «Күлдү» жалпы билим берүү мектебинин окуучулары спорттук ийгиликтерге жетишти.

Дене тарбия мугалими Акматов Нурланбектин жетекчилиги менен 10-класстын окуучулары Акынжанов Абдилвахит жана Авазбекова Айгерим КМШ өлкөлөрүнүн жана ШКУнун XXIV Ысык-Көл эл аралык спорттук оюндарындагы кол күрөш боюнча мелдешке катышып, оң жана сол кол менен 2-орунду ээлешти.

Мелдештин негизи максаты Кыргыз Республикасынын Президенти С.Жапаровдун №1 «Инсандын руханий-адеп-ахлактык өнүгүүсү жана дене тарбиясы жөнүндө» жарлыгынын негизинде жаштар арасында спортту жайылтуу, дени сак жашоо образын калыптандыруу, ынтымакты чыңдоо жана эл аралык достукту бекемдөө болуп саналат.

Мектеп жамааты Акматов Нурланбек агайдын иштерине ийгилик каалап, окуучулары дүйнөлүк аренада да ийгиликтерди жаратат деген ишеним менен куттук айтышты. «Бул жетишкендик мугалимдин, мектептин, ата-энелердин сыймыгы болуп саналат»-деп белгиледи мектеп жетекчилиги.

Б.К.