Ыракмат сага, Алиппе!

Саламатсыздарбы урматтуу ата-энелер,  кымбаттуу мугалимдер,  ардактуу окуучулар жана катышуучулар. Эмесе ушул кичинекей аруу жүрөк, тилеги таза наристелердин күчү менен даярдалган «Алиппе» майрамын баштоого уруксат бериңиздер. 

Aлгач гимн менен баштап алсак.

Мугалим:   Коңгуроонун күмүш үнү чачырап,

Биринчи ирет классына чакырат.

Талпынагой темир канат бөбөктөй,

Таалай жолуң ушу бүгүн ачылат.

Коңур күздүн коңгуроо үнү менен кече эле алгачкы сабакка келген 1-класстын окуучулары мына бүгүн жыл айланып, алгачкы ирет колдоруна китеп кармап, тамга тааныган окуучулардын «Ырахмат  сага, Алиппе» аттуу коштошууга арналган майрамына кош келипсиздер. Анда эмесе, майрамдык кечени баштоо алдында окуучуларды  чакырып алсак.

Мугалим ырдын, музыканын коштоосунда окуучуларды чакырып алат.

Мугалим: Кана, балдар, бүгүн бизде кандай майрам?

Окуучулар: Тыбыштардын салтанаттуу майрамы.

Мугалим:  Дагы?

Окуучулар: “Алиппе” майрамына кош келиңиздер.

Окуучулар саламдашуу айтышат.

Байхан:

Ассалому алейкум.

Жалпы журтум аманбы?

Алиппенин майрамында,

Биз айтабыз саламды.                                                                                

 Элиза:

Меймандар толук келиптир.

Баштайлы анда майрамды,

Черин жазып келишсин,

Өнөрлөрдү таштайлы. 

Азаматсыңар балдар! Жагымдуу маанай тартуулап кыздар

«Парижге саякат» бийин бийлеп беришет.

Анда эмесе алиппеге арнаган ырларды айтышат.

Алия:

Бүгүн биздин мектепте,

Алиппенин майрамы

Окуп калдык бүт таанып,

Отуз алты тамганы. 

Бегимай:

Алган жүрсөк аткарып,

Анан көнө баштадык.

Жаңылмачка тил көнүп,

Жакшы ырларын жаттадык.

Айназик:

Отуз алты тамганы,

Оңой эле үйрөндүм.

Сөзүн окуп алиппенин,

Эжейимдей сүйлөдүм.

 Мугалим:  Балдар, уккулачы

Ичи толгон арипке

Билим берген бул бизге

Биринчи колго кармаган

Кайсы китеп ал сенде?

Хор: Келечекке жол ачкан ак сүйүктүү алиппе.

Мугалим: Андай болсо баарыбызга кымбат дос Алиппени ортого чакырып алалы.

Балдар, кыздар хор менен Алиппени чакырат. 

Алиппе: Арбаңыздар жаш достор.

Келечекке жол ачар,

Алиппе келди ортого,

Билим берип балага.

Алиппесин мен берген

Тамгаларды билсеңер,

Мени урматтап жүрсөңөр.

Айткылачы угайын,

Ар бириңдин ырларын.

                 Айзирек:

Окуучу:  Ооба, Алиппе, биз бүгүн

Даярданып келгенбиз,

Тамгалардын ырларын.

Баарын айтып беребиз.

Даниэл:     

               Ынтымактуу баарыбыз

36 тамгабыз,

Үндүү, үнсүз тамга деп.

Топторго болуп алганбыз.

                Бегимай:

Бүгүн бизде чоң майрам.

Алиппенин майрамы.

Тыбыш менен тамгалар,

Биздин алга кадамдар.

Сүйүнбек:

Кана эмесе бир-бирден,

Тыбыштарды козгойлу.

Тамгаларды кезектеп,

Ролу менен ойнойлу.

Элиза:

Майрамы менен алиппенин,

Ыр жаттап келдик баарыбыз.

Кайсы тамга экенин,

Ырларынан тааныңыз.

Мугалим: Урматтуу Алиппе, тамгалар ырын айтып беришсин.

“А”

Алиппе, апа деген сөз,

                 А тамгадан башталат.

                 Адвокат болсомбу деп.

                 Алдыма койдум чоң максат.

“Б”

Билим гана баарыбызды,

Бийиктикке алып барат.

                 Банкир болуп банктарга,

                 Баштасам иш жарашат.

”В”

Вагондордо термелип,

                 Вокзалдарга барамын.

                Волгоград деген сонун шаар,

                Врач болуу талабым.

                “Г”

Гүлдүн түрүн өстүрүп,

                Гүл дүкөнүн ачсам дейм.

                Гүлдөй сонун мектебимди,

                Гүлдөр менен жазсам дейм.

“Д”

Дили таза доктурлар,

                Дарылашат ооруну.

                Дайым мен да ойлоном.

                Дилгир доктур болууну,

”Ж”

Жалпы элдин айтып көйгөйүн,

                Журтума кызмат кылсам дейм.

                Жаңылыкты баяндап,

                Журналист болуп турсам дейм.

”И”

                Ишеничтен кайтпаймын,

                Илгерилеп баратып.

                Инженер болуп иштесем,

                Ийгиликтер жаратып.

“К”

Кичинемден эңсегем.

                Кесипти туура тандаймын.

                Калыстыкты орноткон,

                Казы болуу максатым.

“М”

Мээнеттенип талбастан,

               Машыгып күчкө толомун.

               Мекенимди коргогон,

               Милиционер боломун.

“Н”

               Нарктуу салттуу элибиз

               Нечен салым кошсом дейм

               Назик, наздуу созулган

               Нукура ишкер болсом дейм.

 ”О”

               Ой жүгүртүп тереңге,

               Окуп көптү билемин.

               Окумуштуу болсом дейм,

               Орундалып тилегим.

”П”

               П тамгадан башталат.

               Пейли кенен кыз болом,

               Пикирин угуп элимдин

               Президенти мен болом.

              “Р”

             Ырайымдуу жигитмин,

             Рахмат айтып ийилген.

             Республикама биринчи,

             Ракета жасайм кийин мен.

             ”С”

Сабак берген эжейимдин,

             Сапаттарын баалаймын.

              Сонун билим алып мен,

              Стюардесса болууну каалаймын.

”У”

              У тамгасын үйрөнүп,

              Узак жолду тандаймын.

              Умтуламын алдыга.

              Учкуч болуу талабым.

”Ү”

              Үйлөр куруп бийик-бийик,

              Үмүтүн актап берүүгө,

              Үлүш кошкон калкыма,

              Үй куруучу мен болом.

”Ф”

Футбол түрүн сүйөмүн,

             Фанат болуп жүрөмүн.

             Формачан дайым олтуруп,

             Фармацевт эле боломун.

              ”Х”

Х тамгасы ийилген,

             Халат болуп кийилген,

             Халат кийип апаппак

             Хирург болом кийин мен.

”Ч”

Чындыктан тайманбаймын,

              Чынчыл мырзадан болуп.

             Чыгармалар жазсам дейм,

             Чыңгыз атамдай жазуучу болом мен.

6  окуучу хор:

Биз тамгаларды таанып билип,

Шар окууга жетишип,

Кыргыз тилинде кыска үндүүлөр 8

Созулма үндүүлөр 6

Каткалаң үнсүздөр 10

Жумшак үнсүздөр 12

Йоттошкон тамгалар 4

Айткылачы, кайсы тамгада тыбыш болбойт.

Аа-аа билдим, билдим.

Ичкертүү менен ажыратуу белгиси тыбыш болбойт.

Мугалим: Азаматтарым менин, акылдууларым, азыркы кезекти «Көк бөрү» бийине берели. Балдар бийлеп беришет.

Мугалим:  Айткылачы тезирээк,

Алиппеден окуган ырлардан.

Макалдардан ким билет?

Жаңылмачты жаңылбай.

Бат айтканды ким билет?

Хор:   Кыргыздын Ала-Тоосу

Жайы кышы кетпеген,

Мөңгүсү бар Ала-Тоо.

Асман менен тирешкен,

Белгиси бар Ала-Тоо.

Балдан ширин туптунук,

Булагы бар Ала-Тоо.

Тукабайдай туптунук,

Тулаңы бар Ала-Тоо.

“Китепти сүй“

Китепти сүй, баркын бил,

Китептин көп акылы.

Ким китепке дос болсо,

Ал ошонун жакыны.

                       Жаңылмач

Бегимай                                                       Акылбек

Бир түп тыт,                                                 Шарак-шурак,

Бир түп түрп.                                                Шатым  урап.

Түрп тытты түртөт,                                     Шашма улак,

Тыт түрптү түртөт.                                      Карап турат.

Акыйнек айтышат. Ата-энелер үчүн кызыктуу оюндар. Манас айтышат.

Алиппе: -Азаматтар! Мен эми кезекте Адабий окууга берейин. Мындан да  мыкты окугула!

     Барчынай:

Алтыдагы бөбөккө,

Ааламды бүт тааныткан.

Адамзатты илимге,

Алып келген даанышман.

Рахмат сага, Алиппе!

     Даниэл:

Тамгаларды билсек да,

Тааныш болуп жүрсөк да.

Жардамың менен Алиппе,

Ачтык билим эшигин,

Терметтик билим бешигин.

Адабий окуу:   Улантайын ишиңди,

Берейин алтын билимди,

Чийгилебей бетимди.

Таза кармап, так туткун,

Андан ары китебимди.

Жомок аткарышат. Кыргыз бийин  кыздар бийлешет.

Кезекти орус тили сабагына берсек. Балдар бийлешет.

Математикадан сандар ыры

“Мугалим – бул кесиптердин сереси,

Мугалим — бул кесиптердин төрөсү.

Мугалимдер сыйкырдуу бир дарактай,

Жайдыр-кыштыр бышып турган мөмөсү” демекчи, билим, тарбия берип жаткан агай-эжейлерибизге да ырларыбызды тартуулап кетсек.

Алия:

Мугалим ким  ал биз өңдүү адамбы?

Кантип алар өзгөртүшөт заманды.

Ал улуу жан адамдардын адамы,

Жакшылыкка арышталат кадамы. 

Даниэл:

Ата-журтка күнү-күнү кам жейби?

Айтчы анын тамак ичип нан жейби?

Отурганда кошо сүйлөп тамакты,

Окуучуну ойлоп ичет тамакты.

Нурсултан:

Мугалим ким каткырабы күлөбү?

Элге окшоп аш-тойлорду жүрөбү?

Күлгөнүнөн ой басканы көрүнөт.

Аш-тойлордо анда-санда көрүнөт.

Аруузат:

Чарчабайбы ызы-чуудан, баладан?

Үйгө барып иш кылабы ал адам.

Мектепти да, үйдү дагы ардактап.

Мекен жүгү аны эч качан чарчатпайт.

   Хор:     Акыл менен тааныткан.

Адеп менен сүйлөткөн.

Ата-журтка жарашкан.

Адам бол деп үйрөткөн.

Таазим сага, мугалим.

Мугалим:  Кана, балдар, бизди багып чоңойткон, ушул даражага жеткирген ата-энебизге да арнаган ырларыбызды айтып өтсөк.

  Элиза:

Айым күнү  ата-энем.

Айланайын апакем.

Ак сүтүңдү актайм мен.

Кичинемдем бактың сен.

            Дилмурат:

        Ата-энемдин айтканын,

          Дайым кылам заматта.

           Мээримин төгүп өстүргөн,

           Теңдеши жок дүйнөдө.

           Алтындан кымбат берекем.

Жыйынтыктоо: Майрамдык кечени жыйынтыктап, дипломдор тапшырылат. 

Байымбетова Нуржамал, Жалал-Абад облусу, Сузак районуна караштуу ✓76 А.Матиев атындагы жалпы билим берүү орто мектептин башталгыч класс мугалими