«КИМ ЛИДЕР БОЛОТ?»

(физика акыл таймашы, 7-11-класс)

     Максаты: Окуучулардын физика боюнча түшүнүктөрүн, билимдерин калыптандыруу, таанып билүү жөндөмдүлүүктөрүн арттыруу жана логикалык ой-жүгүртүүлөрүн өстүрүү.

      Таймаштын жүрүшү: 1-баскыч алдын ала ар бир класстан катышуучулар катталат уюштуруучуларга (көп санда). 2-баскыч: Таймаш оюн. Таймаш жалпы 2 бөлүм 25 суроодон турат. Калыстар тобу тарабынан ар бир туура жоопко 1 балл берилет. Эң көп балл топтогон окуучу жеңүүчү болот.

Бөлүмдөр: 1. Аралаш суроолор 2. Физикалык табышмактар

Жыйынтыктоо: Калыстар тарабынан жеңүүчүлөр аныкталып, диплом жана белектер берилет. Жалпы катышуучуларга жакшы ой-пикирлер айтылат. 

Класстар арасында өткөрүлүүчү «Ким лидер болот?» физика акыл таймашы.

1. Аралаш суроолор.
2. Жарык бөлмөдө эмнени көрүүгө болбойт?
3. Микробдорду кайсыл куралдын жардамында көрсөк болот?
4. Температураны өлчөгөн курал эмне деп аталат?
5. Бизди курчап тургандардын баарын эмне деп атайбыз?
6. 5. Жердин кичирейтилген формасы эмне?
7. Жаратылышта үч абалда кездешкен суюктук эмне?
8. Нерселердин өлчөмдөрү ысыганда жана муздаганда эмне болот?
9. 8. Узуну да, туурасы да, тереңдиги да жок. Бирок өлчөөгө болот. Ал эмне?
10. Эгерде “кар кишиге” тон кийгизсе, кар киши эрийби?
11. Айзат бадыраң салынган идишке туздун ысык жана муздак эритмесин куйду. Кайсы эритмени куйган учурда бадыраң тезирээк туздалат?
12. Эгерде кайнатылган сүт айнып калбасын десеңиз, ага анда 1 кашык ушул нерсени кошуп койсо болот. Ал эмне?
13. Темирден катуу, талкаланат жана сынат, бул эмне?
14. Адам денесиндеги эң күчтүү насос эмне?
15. Көк айнек аркылуу  кызыл  кездемени  караганда, ал  кандай  түстө  болуп  көрүнөт?
16. Эмне үчүн суук күндөрдө көп айбандар бүктөлүп алып укташат?

Физикалык табышмактар

1. Бурганына көнбөгөн,

Жалгыз багыт билгени.

Өзү бирок көрбөйт да,

Жол көрсөтөт дүйнөгө.

2. Таңында бар түштө жок,

Тагынышып мол мончок.

Күн чыкканда жаш төгөт,

Учуп кетет бууга окшоп.

3. Көзгө көрүнбөс нерсе,

Зым менен чуркайт.

Адам баласы аны,

Каалаган ишине жумшайт.

4. Буту темирден жасалган,

Электрден күч алган.

Тепсесе кийим кечени,

Көркүнө чыгып жаңырган.

5. Эки булут жакындап,

Сүзүшпөсө не болот.

Алар алган заряддан,

Тарс жарылып күйөт от.

6. Асфальтталган жолу бар,

Өйдө созгон колу бар.

Тарткан зымды бек кармап,

Жүрөт дайым. Эмне ал?

7. Металлдардын ичинде жүгүрүшкөн,

Ток булагы кошулса чынжыр менен.

Зарядга, эң кичине массага ээ,

Кайсы бөлүкчө экенин айтчы кенен.

8. Абадагы кош жолу,

Кабар берип иш кылат.

Алыскыны заматта,

Сүйлөштүрүп тындырат.

9. Күн дебей, түн дебей,

Үйдүн чатырында турушат.

Ал аркылуу адамдар,

Көрчүсүн көрүп, укчусун угушат.

10. Эки тууган термелди,

Бир-бирине тең келди.

Залкарбек Юсупали уулу, ОшМУнун “Билим” мектеп-лицейинин физика предмети мугалими