Жалал-Абад мамлекеттик университетинин курулушу аяктады

Жалал-Абад облусундагы Б.Осмонов атындагы Жалал-Абад мамлекеттик университетинин жаңы административдик жана окуу корпустары ишке кирди.

28-сентябрда окуу жайдын ачылыш аземине Кыргыз Республикасынын Президенти Садыр Жапаров катышты.

Университет  3 кабаттуу, 1500 орундуу, жалпы аянты 4580 чарчы метрлик окуу корпусунан турат. Мындан тышкары 2080 чарчы метрлик 3 кабаттуу административдик  имараттын курулушу бүттү. Жаңы корпустар заманбап компьютердик технологиялар, эмеректер жана керектүү куралдар менен жабдылган.

Мамлекет башчысы өз сөзүндө бул окуянын облустун жана жалпы республикадагы билим берүү системасын өнүктүрүүдөгү мааниси жогору экенин белгиледи.

Эске сала кетсек,  Жалал-Абад мамлекеттик университети Кыргызстандын алгачкы окуу жайлардын бири болгон, бул жерде алгач 1923-жылы кыска мөөнөттүү педагогикалык окуу курсу ачылган. Ал эми 1993-жылы болсо агроөнөр жай, педагогикалык билим берүү, курулуш, электроника, энергетика боюнча жогорку билимдүү адистерди даярдоо максатында Жалал-Абад мамлекеттик университети түптөлгөн.