Өзбек тилдүү мектептер үчүн окуу куралдар

  • 19.02.2025
  • 0
Кыргыз-Өзбек Эл арлык университетинин алдындагы Өзбек тилдүү мектептер үчүн окуу куралдарын даярдоо борбору тарабынан 7-8- класстар үчүн адам жана коом (инсон ва жамият) аталышындагы окуу куралы, ушул эле аталыштагы предметтик мугалимдер үчүн усулдук колдонмолор жарык көрдү.
Өзбек тилдүү мектептер үчүн окуу куралдар
2024-жылдын 30-октябрындагы КР Өкмөтүнүн “Кыргыз Республикасында 12 жылдык мектептик билим берүүгө өтүү концепциясын бекитүү жөнүндөгү” токтомуна ылайык, 1- 5-класстардын окуу куралдары үчүн жаңы стандарттын негизинде окуу куралдарын даярдоо тапшырмасы коюлган. КӨЭАУнун алдындагы окуу куралдарын даярдоо борбору “12 жылдык мектептик билим берүүгө өтүүнүн” алгачкы этабы катары өлкөбүздөгү өзбек тилдүү мектептер үчүн 1-5-класстардын окуу куралдарына мамлекеттик жаңы стандарттын негизинде дидактикалык материалдарды которуп, окуу куралдарын, предмет мугалимдери үчүн усулдук колдонмолорду даярдоонун үстүндө иш алып барууда.
Өзбек тилдүү мектептер үчүн окуу куралдар
1998-жылы ишмердигин баштаган Кырыгыз-Өзбек Эл аралык университетинин алдындагы окуу куралдарын даярдоо борборунун кызматкерлери 2004-жылы “Илим жана техника” багытында Мамлекеттик сыйлыктын ээси болушкан. Бүгүнкү күнгө чейин борбор тарабынан 172 аталыштагы окуу куралдары 2млн.дон ашык нускада жарык көрүп, өзбек тилдүү мектептерге таркатылган.
Бөлүшүү

Комментарийлер