УЛУТТУК ТИЛДИ ӨНҮКТҮРҮҮДӨ ОКУУ КИТЕПТЕРИ ЭҢ МААНИЛҮҮ БУЛАК

Саналуу күндөрдөн кийин жаңы окуу жылы башталып, мектептерде билимге чакырган коңгуроолор кагылганы турат. Ошондуктан окуу китептеринин мазмуну жана маңызы тууралуу да пикирлер айтылууда.  Улуттук тилди өнүктүрүүдө окуу китептери эң  маанилүү булак болуп саналат. Кайсы сабакка байланыштуу китеп болсо да, мааниси менен катар маңызын да түзүп турган тилинин элпек, балага жугумдуу жана жугумдуу стилде жазылганы дурус. Ал баланын тилин калыптандыруудагы башкы каражаттардан бири болууга тийиш. Көпчүлүк окуу китептеринин тили- тил сындыра тургандай комсоо котормо тилинде жазылганы байкалат. Илгери  белгилүү окумуштуу, манас таануучу, котормочу, жазуучу, ыраматылык профессор Зияш  Бектенов деген агайыбыз: “Орустардын адабият окуу китептери майга көөлөгөн талкандай, биздики сууга көөлөгөн талкандай, же жута албайсын,  же түкүрө албайсың, тим эле какайсың” деп күлдүрөөр эле. Авторлорубуз окуу китептеринин тили келечек муундун улуттук дымагын, асыресе тилин калыптандыруудагы асыл миссиялардын  бирин аткараарын унутпашы  керек.

Гүлзура Жумакунова,

Анкара университетинин профессору, фиология илимдеринин доктору