STEAM: «Кыргыздын улуттук тамак — аштары»

1-мартта «Креатив-Таалим» Билим берүү комплексинде STEAM билим берүү багыты боюнча иш-чара болуп өттү. Ага аталган мектептин окуучулары, мугалимдери жана ата-энелер катышты. Анда окуучулар «Кыргыздын улуттук тамак — аштары» деген теманын алкагында сүт азыктары, дан азыктары, эт азыктары боюнча изилдөө иштерин жүргүзүштү.  Аталган тамак-аштардын жасалышын, пайдалуулугун көргөзүп берди. Андан тышкары алардын тарыхын, философиясын, андагы химиялык, физикалык, биологиялык процесстерди, үнөмдөө математикасын түшүндүрүп берди. Жыйынтыгында  теориялык да, практикалык да билимдерге ээ болушту.

Уюштуруучу мугалимдердин бири Акматов Искендер агайдын айтуусу боюнча мындай иш-чара жыл сайын өткөрүлүп турат. Буга чейин Боз үй жана «Манас» эпосу боюнча  уюштурулган.

Айдана МАМАТБЕРДИЕВА,

«Кут Билим»