САНИТАРДЫК-ЭПИДЕМИОЛОГИЯЛЫК ТАРТИБИНДЕГИ ӨЗГӨРҮҮЛӨР

Мектепке чейинки билим берүү уюмдарында колдонулуп келген санитардык-эпидемиологиялык талаптар өзгөрдү.

КР Өкмөтүнүн 2016-жылдын 11-апрелиндеги №201 “Коомдук саламаттык сактоо жаатындагы актыларды бекитүү жөнүндөгү” токтомуна өзгөртүүлөр киргизилди. КР Министрлер Кабинетинин 2024-жылдын 19-ноябрындагы №696 токтомуна ылайык, мектепке чейинки билим берүү уюмдарынын түзүлүшү, аларды күтүү жана иштөө режимин уюштурууга карата санитардык-эпидемиологиялык талаптар балдардын курактык топторунун санына жана катышына жана алардын чектүү толушуна жараша аныкталат.

Ясли курагындагы балдар үчүн:

— 1,6 жаштан 2 жашка чейинки – 20 балага чейин;

— топто 1,6 жаштан 3 жашка чейинки балдар болсо – 20 баладан ашык эмес;

Мектепке чейинки курактагы балдар үчүн:

2-З жаштагы 1-кенже топ – 25 баладан ашык эмес;

3-4 жаштагы 2-кенже топ – 25 баладан ашык эмес;

4-5 жаштагы ортоңку топ – 30 баладан ашык эмес;

5-6 жаштагы улуу топ – 30 баладан ашык эмес;

Топто 3-6 жаштагы балдар болсо – 25 баладан ашык эмес.

Ден соолугyнун мүмкүнчүлүктөрү чектелген балдар үчүн адистештирилген бала бакчада балдардын саны жана катышы балдардын категориясына жана алардын курагына жараша белгиленет.

Топтогу 1,6 жаштан 6 жашка чейинки курактагы балдардын саны төмөнкүдөн ашпоого тийиш:

— сүйлөө речи бузулган балдар үчүн –16 баладан;

— речинин фонетика-фонематикасы бузулган үч жаштан жогору курактагы гана балдар үчүн – 18 баладан;

— дүлөй балдар үчүн – эки курактагы тең топ үчүн – 6 баладан;

— угyусу начар балдар үчүн – 6 жана 10 баладан;

— сокур балдар үчүн – эки курактагы тең топ үчүн – 6 баладан;

— көрүүсү начар балдар, амблиопиясы бар, көзү чалыр балдар үчүн – 6 жана 10 баладан;

— таяныч-кыймыл аппараты бузулган балдар үчүн – 6 жана 8 баладан;

— психикалык өнүгүшү кечеңдеген балдар үчүн – 6 жана 12 баладан;

— акыл-эси бир аз артта калган балдар үчүн – 6 жана 12 баладан;

— акыл-эси бир аз, оор даражада артта калган үч жаштан жогорку курактагы гана балдар үчүн – 8 баладан;

— аутизми бар үч жаштан жогору курактагы гана балдар үчүн – 5 баладан;

— оор деффекти бар (дене бой жана же психикалык өнүгүүсүндө эки же андан ашык кемчиликтин айкалышы бар) балдар үчүн – эки курактагы тең топ үчүн – 5 баладан;

— ден соолугyнун башка мүмкүнчүлүктөрү чектелген балдар үчүн – 10 жана 15 баладан;

5-6 жаштагы балдар үчүн компьютерлерди колдонуу менен сабактарды бир күндө бир жолудан ашык эмес жана жумасына үч жолудан ашык эмес, ишке болгон жөндөмдүүлүк кыйла жогору болгон күндөрү – шейшемби, шаршемби жака бейшемби күндөрү өткөрүү керек. Балдар менен сабак өткөрүлгөндөн кийин көз гимнастикасы жасалат.

Өнүктүрүүчү оюн сабактарында компьютер менен иштөөнүн үзгүлтүксүз узактыгы 4 жаштагы балдар үчүн 10 мүнөттөн жана 5-6 жаштагы балдар үчүн — 15 мүнөттөн ашпоого тийиш. Өнөкөт патологиясы бар, тез-тез ооруган (жылына 4 жолудан көп) балдар үчүн oopyп айыккандан кийин 2 жуманын ичинде компьютер менен сабактардын узактыгы 4 жаштагы балдар үчүн 7 мүнөткө чейин, 5-6 жаштагы балдар үчүн 10 мүнөткө чейин кыскартылууга тийиш.

Эскерте кетсек, бул токтом расмий жарыяланган күндөн он беш күн өткөндөн кийин күчүнө кирет.

Айнагүл КАШЫБАЕВА,
“Кут Билим”