РЕСПУБЛИКАЛЫК ОЛИМПИАДАНЫН ОБЛАСТТЫК ЭТАБЫ ЖЫЙЫНТЫКТАЛДЫ

2025-жылдын 13-14-мартында окуучулардын республикалык олимпиадасынын III (областтык) этабы өттү. Бул этапта жалпысынан 1964 окуучу катышты, алардын ичинен 332 окуучу кийинки этапка өттү.

Республикалык олимпиаданын IV (республикалык) этабы ушул жылдын апрель айында өтөт.

Эске сала кетсек, Мектеп окуучуларынын республикалык олимпиадасы 4 этапта (мектептик, райондук, областтык, республикалык) 17 предмет боюнча өткөрүлөт.

— I (мектептик) этап – классына жана менчик формасына карабастан олимпиадага катышууну каалаган жалпы билим берүү уюмдарынын бардык окуучулары;

— II (райондук) этап – I этапта рейтинг боюнча 1, 2, 3-орундарды ээлеген окуучулар;

— III (областтык) этап – II этапта рейтинг боюнча 1, 2-орундарды ээлеген окуучулар;

— IV (республикалык) этап – III этапта рейтинг боюнча 1, 2-орундарды ээлеген окуучулар.

Белгилей кетсек, Кыргыз Республикасынын Министрлер Кабинетинин 2022-жылдын 30-июнундагы № 355 токтому менен бекитилген Кыргыз Республикасынын жогорку окуу жайларына кабыл алуу тартибине ылайык учурдагы жылы 1, 2, 3-орундарды ээлеген республикалык жана эл аралык олимпиадалардын байге ээлери, оң баага туура келген ЖРТ баллы бар болсо, тандап алган ЖОЖдогу багыттарга жана адистиктерге олимпиаданын предмети профилдик болгондо окутуунун наркын төлөө келишими боюнча орундарга (ырастоочу документтери бар болсо) конкурстан тышкары кабыл алынат.