РЕКТОР ДОЛБООР КООРДИНАТОРЛОРУН КАБЫЛ АЛДЫ

Ош технологиялык университетинин ректору Ж.Турсунбаев окуу жайдагы инвестициялык долбоорлордун жүрүшү менен таанышып чыкты.

Ош технологиялык университетинин ректору Ж.Турсунбаев Германиянын Кыргыз Республикасындагы Эл аралык кызматташтык коому (GIZ) тарабынан Ош технологиялык университетинде ийгиликтүү ишке ашып жаткан “Борбордук Азиядагы экономикалык өсүү секторлору үчүн кесиптик билим берүү”, “Иш менен камсыз кылууга жана кесиптик окутууга көмөктөшүү” долбоорлордун координаторлорун кабыл алды.

Жолугушууда ал университетке инвестиция тартуу багытында жаңы идеяларды сынактык негизде тандап алып иштетип жаткан долбоор жетекчилерине ийгиликтерди каалады. Андан сырткары, долбоорлордун жүрүүсү менен кеңири таанышып чыкты.