PISA-2025: ТАЛАСТЫК ОКУУЧУЛАР 3-РАУНДДА

Талас облусунда PISA эл аралык тестине катышкан тогуз мектептен 512 окуучу тест тапшырууда.

Талас облустук билим берүү усулдук борборунун директору Салтанат Бейшенованын берген маалыматына таянсак, окуучулар компьютер жана телефондор аркылуу «Серебри» платформасына кирип, 1- жана 2-раундду ийгиликтүү аякташты. Бүгүнтөн баштап 3-раундду иштеп жатышат. Учурда бардык мектептер активдүү катышып, тесттик тапшырмаларды аткарууда.

— Буюрса, бүгүн эл аралык изилдөөгө тест тапшырыла башталды. Даярдык жаман эмес. Алак, И.Отунбаев атындагы орто мектеби PISА — 2025 программасына 12 окуучу катышууда. А.Солтонов атындагы орто мектебинен 26 окуучу, Ж.Субанбеков а. о. мектеби боюнча тестке 42 окуучу катышмак, анын ичинен 2 окуучу башка мектепке которулуп кеткен, жалпысынан 40 окуучу катышат. Балдар 2-раундду иштешүүдө, кээ бир окуучуларыбыз 3-раундда, — дейт жетекчи.

Гүлнара АЛЫБАЕВА, “Кут Билим”