ОшМУнун спорт залы жаңыланды

Окуу жайдын табият таануу, дене тарбия, туризм жана агрардык технологиялар институтунун спорт залы оңдоодон өтүп, ачылыш аземи болду.

Иш-чарада ректор Кудайберди Кожобеков «ОшМУ» кыз-келиндер волейбол клубуна жаңы формаларды тапшырды.

Ошондой эе окуу жайда эмгектенген кызматкерлер арасындагы спартакиадага старт берилди. Анда катышуучулар спорттун сегиз түрү боюнча күч сынашат. Бул спорттук оюндар бир айга созулат. Мелдеш 40 жашка чейинки жана андан жогоркулар арасында өтөт. Жеңүүчүлөргө акчалай сыйлыктар каралган.

Спорт залдын реконструкциялоо иштери былтыр башталып, атайын каражат бөлүнгөн. Спорт залда көрүүчүлөр үчүн атайын орундуктар орнотулуп, жарыктандырылды, кийим алмаштыруу бөлмөлөр да оңдолду.

«ОшМУ» кыз-келиндер волейбол клубу төрт жыл мурун түзүлүп, Кыргызстандын үч жолку чемпиону болууга жетишкен.

Учурда 2025-жылдын жаңы сезонуна даярдык көрүүдө.