ОшМУнун окутуучулары Каракалпак мамлекеттик университетинде

Табият таануу, дене тарбия, туризм жана агрардык технологиялар институтунун химия жана химиялык технологиялар кафедрасынын башчысы Ибрагим Полотов жана доцент Бакыт Кеңешов Бердак атындагы Каракалпак мамлекеттик университетине иш сапары менен барышты. 

Конокторду аталган окуу жайдын ректору Ахмед Реймов кабыл алып, эки университеттин меморандумунун алкагындагы кызматташтыктар боюнча пикир алышты. Анда профессордук-окутуучулук курамдын илимий изилдөөлөрдү жүргүзүү, тажрыйба алмашуу, студенттердин академиялык мобилдүүлүгүн жогорулатуу боюнча сөз болду. Реймов аларга магистр, студенттерге тажрыйбаларын бөлүшүп, кызыктуу лекцияларды өтүп жаткандыктарына ыраазычык билдирди.

Окутуучулар 5-9-ноябрга чейин академиялык мобилдүүлүк иш-аракеттеринин негизинде конок лекцияларды өтүштү.

ОшМУ менен Каракалпак мамлекеттик университети кызматташуу меморандумуна 2019-жылы кол койгон.