«ОшМУ-Университет» кыздар командасы чемпион

Бишкекте өткөн Кыргыз волейбол федерациясынын президенттик кубогунда «ОшМУ- Университет» кыз-келиндер командасы  Бишкек командасы менен беттешип, 3:2 эсебинде жеңишке жетти.  

Ал эми «ОшМУ- Университет» эркектер командасы үчүнчү орунга ээ болду. Жеңүүчүлөргө кубок, медаль жана акчалай сыйлыктар берилди. 

Оюн 9-15-декабрь күндөрү өтүп, ага өлкө боюнча 24 команда катышты.

«ОшМУ- Университет» кыз-келиндер командасы волейбол федерациясынын президентинин кубогунда үч жылдан бери жеңүүчү болуп келет. Клуб 2020-жылы түзүлүп, өлкөнүн түштүгүндөгү жалгыз волейбол команда болуп саналат.

Курамда окутуучулардан жана студенттерден тандалып алынган 16 спортчу бар.