Жаркын келечек ачкычы мугалимдин колунда

Мугалимдер күнүнө арналган салтанаттуу аземге  Кыргыз Республикасынын Министрлер Кабинетинин төрагасы  Адылбек  Касымалиев катышты.

Майрамдык иш-чаранын максаты — мугалимдин ролун — Кыргызстанды өнүктүрө ала турган жана анын келечектеги дараметин ишке ашырууга жөндөмдүү, сабаттуу, маданияттуу жана эмгекчил муунду тарбиялоодогу башкы звено катары көрсөтүү.

“Жарык келечектин алтын өзөгү силердин — мугалимдердин колунда”, — деди өзүнүн куттуктоо сөзүндө МинКаб төрагасы Адылбек Касымалиев. — “Сиздердин ат көтөргүс эмгегиңер мамлекет тарабынан татыктуу бааланууга тийиш”.

Ушул күнү билим берүүнүн бардык баскычтарында баланын инсандыгын жана анын келечегин калыптандырган насаатчы катары мугалимдин ролунун маанисин ачып берүү; Кыргызстандагы билим берүү тармагындагы жетишкендиктерди, анын ичинде 12 жылдык окууга өтүүнү, заманбап технологияларды жана STEM-багыттарын киргизүүнү чагылдыруу; 12 жылдык билим берүүгө өтүү менен байланышкан мамлекеттик стандарттарды жана окуу программаларын иштеп чыгууга катышкан мугалимдердин эмгегин белгилөө; Билим берүү реформасын ишке ашырууга зарыл болгон жаңы компетенцияларды калыптандырууга өбөлгө түзгөн педагогикалык кызматкерлерди колдоо; Мугалимдин эмгегинин маанисин коом алдында таанытуу аркылуу кесиптин кадыр-баркын чыңдоо жана жаш адистердин шыктануусун арттыруу; Өлкөнү өнүктүрүүгө жана жаратмандыкка багытталган жаңы муунду тарбиялоо үчүн мугалимдердин, ата-энелердин, коомдун жана мамлекеттин аракеттерин консолидациялоо милдеттери турат.

Биринчи кабаттагы фойеде иш-чаранын аталышын чагылдырган пресс волл — фото аянтча жайгашса, экинчи кабатта мектепке чейинки ( этнопедагогика, STEM), мектептик (окуу китептери), мектептен тышкары кошумча билим берүү боюнча сүрөттөрдүн  көргөзмөсү уюштурулган. Экинчи кабаттын эки тарабында Кыргыз Улуттук консерваториянын квартети классикалык музыканы ойноп турду.

Гүлнара АЛЫБАЕВА, “Кут Билим”