МИНИСТРДИН ОРУН БАСАРЫ ОРОК ОРТО МЕКТЕБИНИН МУГАЛИМДЕРИН КАБЫЛ АЛДЫ

Билим берүү жана илим министринин орун басары Надира Джусупбекова Сокулук районуна караштуу Орок айылындагы Орок орто билим берүү мекемесинин мугалимдер жамаатын кабыл алды.

Жолугушууда орун басар мугалимдин бүгүнкү күндөгү орду, мугалимдердин милдеттери жана укуктары, алардын корголушу тууралуу маалымат берди.

Надира Джусупбекова ошондой эле заманбап билим берүү мекемесинин жетекчиси кандай сапаттарга ээ болуусу керек экени тууралуу сөз кылып, ар бир кызматкер өз милдетин так аткарып, мыйзам чегинде иш жүргүзүлсө гана эч кандай көйгөй жаралбайт экенин айтты.