МИНИСТР МУГАЛИМДЕР МЕНЕН ЖОЛУКТУ

1-2-март күндөрү билим берүү жана илим министри Догдуркүл Кендирбаева Ысык-Көл облусунун Барскоон айылындагы Э. Кендирбаев, К. Чылабаев атындагы мектептердин, №55 кесиптик лицейдин мугалимдери менен жолугушту.

Жолугушууда Д. Кендирбаева мугалим менен окуучунун ортосундагы мамилеге,  санариптик платформаларга кенен токтолуп, “Алтын Казык” программасынын артыкчылыктары тууралуу айтып берди.

“Азыркы муунга билим берүүдө жаңы технологияларды, психологияны жакшы билүү керек. Ата-энелер менен иштөөнү күчөтүп, аларды көбүрөөк мектепке тартып, сабактарына катыштырып туруңуздар. Ата-энелер таптакыр мектептен сырткары калып калбасын”, – деди министр.

Айдана МАМАТБЕРДИЕВА,

“Кут Билим”