КЫРГЫЗ-ӨЗБЕК ЭЛ АРАЛЫК УНИВЕРСИТЕТИ 30ЖЫЛДЫК ЮБИЛЕЙИН БЕЛГИЛӨӨДӨ

Бүгүн, 25-октябрда Кыргыз-Өзбек Эл аралык университети 30жылдык юбилейине арналган форум билим берүү жана илим министри Догдуркүл Кендирбаеванын катышуусунда өтүүдө.

Иш-чарада министр Д.Ш. Кендирбаева 30жылдык тарыхка ээ  университеттин өзгөчөлүктөрүн, артыкчылыктарын баса белгилеп, кесиптик билим берүү ишмердигинде өзгөчөлөнгөн университеттин окутуучуларына Билим берүү жана илим министрлиги тарабынан даярдалган сыйлыктарды тапшырды.

Форумга Жогорку Кеңештин депутаттары, Министрлер Кабинетинин өкүлдөрү, республиканын ЖОЖдорунун жетекчилери, чет өлкөлүк өнөктөштөр да оффлайн жана онлайн форматтарда катышууда.Коноктор  Кыргыз-Өзбек Эл аралык университетинин өнүгүү жолун, тарыхын чагылдырган телебаянга жана факультеттердин ишмердүүлүгү тууралуу көргөзмөгө күбө болушту.