КЫРГЫЗ МАМЛЕКЕТТИК ДЕНЕ ТАРБИЯ ЖАНА СПОРТ АКАДЕМИЯСЫНЫН СТУДЕНТИ УНИВЕРСИАДАДА КОЛО МЕДАЛЬ ТАГЫНДЫ

Кытайда өтүп жаткан XXXI Бүткүл дүйнөлүк жайкы универсиадада жеңил атлетчи Нурсултан Кеңешбеков 5 миң метрге чуркап, коло медалга ээ болду.

Ал Б.Турусбеков атындагы Кыргыз мамлекеттик дене тарбия жана спорт академиясынын студенти жана Кыргызстандын студенттик курама командасынын мүчөсү.

Кыргызстандын студенттик курама командасы (16 спортчу) Универсиада оюндарына спорттун 5 түрү: жеңил атлетика, дзюдо, стол тенниси, таэквондо жана ок атуу боюнча катышууда.

Белгилей кетсек, Универсиада оюндары 2023-жылдын 27-июлунан 9-августуна чейин спорттун 18 түрү боюнча Чэнду (Кытай) шаарында өтүүдө.