КЫРГЫЗ ЭПОСТОРУ ЭМИ АНГЛИСЧЕ СҮЙЛӨЙТ

Жакында Кыргызстан эл аралык университетинде Филология бөлүмүнүн башчысы, профессор КАРАЕВА Зина Караевнанын элдик эпосторду англис тилине которуу тажрыйбасына арналган  “Кыргыз эпостору англисче сүйлөйт” аттуу иш-чара болуп өттү.

Иш-чарага Түрк тилдүү мамлекеттер уюмунун башкы катчысынын орун басары Арслан  Койчуев, залкар акын Жедигер Саалаев конок болуп келишти. Профессор Зина Караеванын аспиранттары кыргыз эпосторун англис, кытай тилдерине которууда кездешкен кызыктуу фактылар боюнча, ошондой эле фольклор текстин которуудагы өзгөчөлүктөр жана кыйынчылыктар тууралуу баяндама жасады. Мисалы,  ф.и.к., доц., Калиева Каныкей жана ф.и.к., доц. Асылбекова Аида «Олжобай менен Кишимжан”,  ф.и.к., доц. Токтоматова Алтынай  “Ак Мөөр”, ф.и.к., доц. Мамбаева Салтанат “Эр Төштүк”, Жапарова Гүлнарида “Кыз Дарыйка», Омуркулов Мирлан “Жаныш-Байыш” дастанына кайрылды. Мамлекеттик жана чет тилдер кафедрасынын башчысы Мамбеталиева Саткын «Кытай маданияты кытай жомокторунда» деген темада доклад окуду.
Иш-чараны белгилүү манасчы Рыспай Исаков ачып берди.

А.АЛИБЕКОВ, «Кут Билим»