«Кут Билим» медиа борбору президенттин «Мейкин» сыйлыгына татыды

Журналисттер үчүн  уюштурулган «Мейкин» сыйлыгынын жеңүүчүлөрү аныкталды. Сыйлык тапшыруу аземи 17-декабрда Бишкек шаарында өттү.

Калыстар тобу 10 номинациянын ар бири боюнча мыктыларды аныктаган. «Билим келечек» номинациясын «Кут Билим» медиа борбору жеңип алды.

Аталган сыйлык медиа жана журналистика жаатында чыгармачылыкты колдоо, журналисттердин эмгегин жогорулатуу жана дем берүү максатында негизделген.

«Мейкин» сый акысы жыл сайын берилип турмакчы. Сыйлыктын байге фонду 10 миллион сомдон ашып, 10 номинациянын ар бирине 1 миллион сомдон сый акы каралган.