КМТУнун МАМЛЕКЕТТИК ТИЛ БОРБОРУ СЫЙЛАНДЫ

18-январда Билим берүү жана илим министрлиги тарабынан уюштурулган 23-сентябрь — Мамлекеттик тил күнүнүн бир айлыгынын жыйынтыктоочу иш-чарасында Кыргыз мамлекеттик техникалык университетинин өкүлдөрү “Заманбап санарип колдонмо” сынагынын жеңүүчүсү аталды.

Иш-чарада айлыктын алкагында аткарылган иш-чаралардын мыктылары боюнча видеомаалымат көрсөтүлүп, фотокөргөзмө уюштурулуп, мамлекеттик тилди өнүктүрүү багытында өткөрүлгөн республикалык сынактын жеңүүчүлөрүнө сыйлыктар тапшырылды. Кыргыз мамлекеттик техникалык университетинин С.Жусуев атындагы мамлекеттик тил борборунун директору жана түзүүчүсү, ф.и.к., доцент Жумакадырова Карлыгачка жана  магистранты Асанбаев Акошага “Заманбап санарип колдонмо” сынагынын жеңүүчүсү катары атайын сыйлыктар жана ыраазычылык каты тапшырылды. Бул тууралуу окуу жайдан маалымдашты.

Ч.Кийизбаева, “КУТ БИЛИМ»