КИТЕП ОКУУ — АКЫЛДЫН БУЛАГЫ

Ош шаарындагы №37 Гапар Айтиев атындагы орто мектебинин англис тили мугалими Элнура Алекова уюштурган «Китеп окуу — акылдын булагы» аталышындагы китеп окуу сынагы жыйынтыкталды. Бул сынак «Жоголгондордун жан сыры» китебинин негизинде өткөрүлдү, автору якут жазуучусу Нина Дьячковская, кыргызчага Кыялбек Акматов которгон.

Маалыматка ылайык, республика боюнча өткөн сынактын катышуучуларынын жашы чектелген эмес.

— Жыйынтыгында Баткен районундагы Шарап Токсонов атындагы орто мектебинин кыргыз тили жана адабияты мугалими Иралиева Мамлакат 1-орун — 20000 сом баш байгени жеңип алды. “Китеп — өмүрдүн ыраакы жана караңгы жолунда адамга нур тартуулаган, жомоктогудай шам чырак” (А.Упит). Уюштуруучуларга, китепти алып окуган окурмандарга, конкурска активдүү катышкан бардык китеп сүйүүчүлөргө ыраазычылык билдиремин, — дейт Э.Алекова.

Гүлнара АЛЫБАЕВА, “Кут Билим”