ИЛИМИЙ-ИЗИЛДӨӨ ИШТЕРИНИН ЖЫЙЫНТЫКТАРЫНЫН КӨРГӨЗМӨСҮ БОЛДУ

ОшТУда А.Джаманбаев атындагы Жаратылыш байлыктары институтунун түзүмдүк бөлүмдөрүнүн лабороториясындагы илимпоздор тарабынан жасалып жаткан илимий-изилдөө иштеринин жыйынтыктарынын көргөзмөсү болуп өттү.

Көргөзмөдө институттагы ачылыш кылган көмүр брикет, органикалык жер семирткичтердин, айылдарды таза суу менен камсыз кылууда хлорсуз электрофизикалык ионизация жана кавитация ыкманы колдонуу боюнча илимий иштердин жыйынтыгы коюлду.

Көргөзмөгө ОшТУнун ректору Ж.Турсунбаев, Ош шаардык кеңешинин төрагасы Салман Назылбеков, КР Улуттук илимдер академиясынын мүчөлөрү, илимий чөйрөнүн өкүлдөрү жана окуу жайдын жалпы жамааты катышты.