Гүлнара Алыбаева “Ж.Баласагын УНИВЕРСИТЕТИНЕ 100 ЖЫЛ” МЕДАЛЫ МЕНЕН СЫЙЛАНДЫ

Бүгүн «Кут Билим» медиа борборунун журналисти жана бөлүм башчысы Гүлнара Алыбаева Жусуп Баласагын атындагы Кыргыз улуттук университети тарабынан «Жусуп Баласагын атындагы Кыргыз улуттук университетине 100 жыл» мааракелик медалы менен сыйланды. Сыйлыкты университеттин ректору, г.и.д, профессор Догдурбек Чонтоев тапшырды.

Бул сыйлык Гүлнара Алыбаеванын билим берүү тармагындагы маалыматтарды коомчулукка жеткирүүдөгү үзүрлүү эмгегине берилген жогорку баа болуп саналат.
«Кут Билим» медиа борборунун жамааты кесиптешибиз Гүлнара Алыбаеваны бул сыймыктуу сыйлыгы менен чын дилибизден куттуктап, ага чың ден соолук, чыгармачылык ийгиликтерди жана мындан аркы ишмердигинде жаңы жетишкендиктерди каалайбыз.