ЭЛ АРАЛЫК ФОРУМ: Б.СЫДЫКОВДУН АЙКЕЛИ АЧЫЛДЫ

Кыргызстандын жана Өзбекстандын жогорку окуу жайларынын ректорлорунун  эл аралык форумунун ачылышынын алдында  Кыргыз-Өзбек эл аралык университетинин башкы имаратынын короосуна орнотулган мамлекеттик жана коомдук ишмер Б.Сыдыковдун айкелин ачуу аземи уюштурулду.

Салтанатка КР Мамлекеттик катчысы С.Касмамбетов,  Кыргызстан менен Өзбекстандын Билим берүү жана илим министрлеринин орун басарлары, эки өлкөнүн ЖОЖдорунун ректорлору,  КР Эл баатыры  А.Жумагулов баштаган Б.Сыдыковдун замандаштары, үй-бүлөсү, туугандары катышты.

Аземде сүйлөгөн мамлекеттик кызматкерлер жана маркумдун замандаштары кыргыз-өзбек элинин бир туугандык мамилесин тереңдетүү багытындагы Б.Сыдыковдун   эмгеги, эгемендүүлүктүн алгачкы жылдарындагы өлкөнүн реформаларынын ийгиликтүү ишке ашуусуна, Кыргызстан менен Өзбекстандын ортосундагы    дипломатиялык карым-катыштын эл аралык деңгээлде өнүгүшүнө  кошкон салымы тууралуу баса белгилеп айтышты.

Эскерте кетсек, 2021-жылы Кыргыз-Өзбек Эл аралык университетине мамлекеттик жана коомдук ишмер Б. Сыдыковдун аты берилген.