БИШКЕКТЕГИ МЕКТЕП АШКАНАЛАРЫ ТЕКШЕРИЛҮҮДӨ

Бишкетин Биринчи май районундагы мектеп ашканаларын комплекстүү текшерүү иштери жүрүүдө. Бул тууралуу мэриядан билдиришти.

Маалыматка ылайык, комиссиянын курамына муниципалдык администрациянын, мамлекеттик санитардык-эпидемиологиялык көзөмөлдөө борборунун, Өзгөчө кырдаалдар министрлигинин жана райондук билим берүү борборунун өкүлдөрү бар.

Комиссия мүчөлөрү ашканалардын өрт коопсуздугунун талаптарына шайкештигин, журналдардын болушун, тамак сактоочу жайлардын абалын текшеришти.

2-декабрда башталган текшерүү иштери 9-декабрга чейин созулмакчы.

Г.А., “КБ”