БИШКЕК МЭРИЯСЫНА МЕКТЕПТЕРДЕГИ АКЧА ЧОГУЛТУУНУ ТОКТОТУУ ТАПШЫРЫЛДЫ

Президенттин администрациясында Министрлер Кабинетинин жетекчисинин орун басары Эдил Байсаловдун төрагалыгы алдында мектептерде мыйзамсыз акча жыйноо боюнча кырдаал талкууланган жыйын өттү.

Минкабдын басма сөз кызматы билдиргендей, Президенттин май айында чыгарылган «Мектептерде акчалай жыйымдарды жана мамлекеттик фонддорду түзүүгө тыюу салуу жөнүндө» жарлыгына карабастан, көптөгөн билим берүү мекемелеринде, өзгөчө Бишкек шаарында бул көйгөй актуалдуу бойдон калып келет.

Президенттин администрациясы Бишкек шаарынын мэриясына коомдук фонддордун да, Камкорчулар кеңештеринин да пайдасына акча жыйноолорду токтотуу боюнча бардык чараларды көрүүнү жана Президенттин жарлыгынын толук аткарылышын камсыз кылуу тапшырылды.

Жыйындын жүрүшүндө келерки жылга республикалык бюджеттен билим берүү тармагына керектүү финансылык каражаттарды бөлүү маселеси да көтөрүлдү.

Жыйындын жыйынтыгында тиешелүү мамлекеттик органдарга бир катар тапшырмалар берилди.

Г.А., “КБ”