БИЛИМ БЕРҮҮ ЖАНА ИЛИМ МИНИСТРЛИГИ МААЛЫМДАЙТ

Билим берүү жана илим министрилиги Сузак райондук билим берүү бөлүмүнүн маалыматына ылайык, 2023-жылдын 1-мартында Сузак районунун Жоомарт Бөкөнбаев атындагы окуу-тарбия комплексинин окуучулары ортосунда сабак бүткөндөн кийин болгон окуя боюнча учурда Сузак райондук ички иштер бөлүмү тарабынан тергөө иштери жүргүзүлүп жаткандыгын билдирет.

Министрлик тарабынан Сузак райондук билим берүү бөлүмүнө мектептерде ата-энелер менен биргеликте тарбия иштерин жакшыртууну, кылмыштуулукту алдын алуу боюнча иштерди күчөтүү тапшырмасы берилди.