МИНИСТРЛИК КЫРГЫЗСТАНДАГЫ ЭҢ МЫКТЫ МЕКТЕПТЕРДИ ТАНДООНУ БАШТАДЫ

8-февралда билим берүү жана илим министринин орун басары Надира Джусупбекова райондук/шаардык билим берүү бөлүмдөрүнүн/башкармалыктарынын башчылары менен онлайн конференция өткөрдү. Министрдин орун басары аларга тандоонун максаты тууралуу айтып берип, «мыкты практикаларды, мыкты мугалимдердин тажрыйбасын үйрөнүү керек» экенин баса белгиледи.

Жумушчу топ министрликтин 2022-жылдын 4-февралындагы №107/1 буйругуна жана «Кыргыз Республикасынын мыкты мектептерин тандоо жөнүндө» жобого ылайык өзүнүн окутуу, билим берүү кызматтарын өнүктүрүү, заманбап окуу-методикалык комплекстерин, анын ичинде электрондук билим берүү булактарын түзүү жана пайдалануу тажрыйбасын, ийгиликтерин көрсөтүп бере турган мектептердин өтүнмөлөрүн карап чыгат.

Тандалган мыкты мектептердин презентациялары Билим берүү жана илим министрлигинин интернет-ресурстарына жайгаштырылат.

Тандоо тартиби тууралуу кошумча маалыматты министрликтин мектеп, мектептен тышкаркы жана кошумча билим берүү бөлүмүнүн адиси Салтанат Өмүркановадан алууга болот (иш тел.: 0312 661046).

2022-жылдын 10-февралында Кант шаарындагы Д.П. Зубков атындагы №1 орто жалпы билим берүүчү мектеп-гимназиянын презентациясы пландалууда.

Шилтеме: https://edu.gov.kg/posts/333/