БАЛДАРДЫН ЭРТЕ ӨНҮГҮҮСҮНӨ АРНАЛГАН ТАЛКУУ

2025-жылдын 18-мартында Бишкек шаарында алдыңкы эксперттер жана педагогдор эрте өнүгүү боюнча заманбап методикаларды ишке ашыруунун келечегин жана изилдөөнүн жыйынтыктарын талкуулаган тегерек стол өткөрдү.

«Келечек үчүн билим берүү» жана «Окуунун негиздерин бекемдөө» долбоорлорунун алкагында жүргүзүлгөн изилдөө 560 кыска мөөнөттүү жамааттык бала бакчаны жана 1600дөн ашык баланы камтыды. Алынган маалыматтар бул демилгелердин балдардын эрте өнүгүүсүнө тийгизген таасирин объективдүү баалоого мүмкүндүк берет.

Изилдөөнүн жыйынтыктары балдарга айлана-чөйрөнү табигый жана оюн аркылуу таанып-билүүгө жардам берген натыйжалуу методикаларды аныктады. Заманбап эрте өнүгүү баланын интеллектуалдык жана эмоционалдык потенциалын бир кыйла жогорулатып, анын келечектеги ийгиликтеринин бекем пайдубалын түзөт. Эксперттер баланын өнүгүүсүндө анын курчап турган чөйрөсү жана колдонулган педагогикалык ыкмалар негизги ролду ойной турганын белгилешет.

Эске салсак ушундай эле тегерек стол Ош шаарында да өткөн.