АЛМАТЫ ТУ ӨКҮЛДӨРҮ ОШТУДА

Ош технологиялык университетинин ректору Ж.Турсунбаев Казакстандагы Алматы технологиялык университетинин өкүлү, техника илимдеринин доктору (PhD) Ж.Б.Казангельдинаны кабыл алды.

Эки тараптуу пикир алышуунун жүрүшүндө академиялык мобилдүүлүк программасын кеңейтүү, билим берүү жана илим тармагында жана эл аралык долбоорлор талкууланды.

2022-2023-окуу жылында Ош технологиялык университети менен Алматы технологиялык университетинин ортосунда экология багыттары боюнча академиялык мобилдүүлүк программалары ишке ашып, студенттер ийгиликтүү аякташты. Бул программаны Технология жана жаратылышты пайдалануу факультетинин «Экология жана айлана-чөйрөнү коргоо» кафедрасы ийгиликтүү ишке ашырды.