Алайда жаңы мектептин ачылышы болду

14-октябрда Ош облусунун Алай районунун Сары-Таш айылындагы 150 орундуу Т.Эсенов атындагы мектептин ачылыш аземи болду.

Мектептин курулушу 2022-жылы республикалык бюджеттин эсебинен башталган. Долбоор боюнча имараттын көрүнүшү Г формасында болуп, 3 блоктон турган. Андан тышкары китепкана, жыйындар зал, медициналык бөлмө, ашкана, өтмө галерея жана спорттук зал каралган.
Мектептин жалпы аянты 956 чарчы метрди түзөт. Ал эми курулушу 87 млн сомду түзгөн.