АЛА КАЧУУ – АРСЫЗДАРДЫН ИШИ

Бүгүн, 26-июнда Ж.Баласагын атындагы Кыргыз улуттук университетинде «Каада-салттар: тарыхый жагдайлары жана заманбап укуктук мааниси» аттуу кереге кеңеш өттү.

Анда кыргыз коомчулугунда орун алган аялзатына карата көрсөтүлүп жаткан зордук-зомбулукка, тактап айтканда, ала качуу темасы козголду.  Катышуучулар коомдо калыптанып калган каада-салттардын жана үрп-адаттардын чыныгы формаларынан алмаштырылып, одоно бурмаланганын, сектанттык, тилди бузуу, агрессивдүү улутчул идеяларды активдүү коомдун духуна туура келбеген, бурмаланган идеяларды активдүү жеткирүү аркылуу этно-маданий мейкиндикти башка этностук курамдар менен толтуруудан келип чыккан коомдун рухий турмушундагы бурмолоодон тынчсыздана тургандарын билдиришти. Ошондой эле “ала качуу” кыргыз элинин каада-салты, үрп-адаты эмес деген оюн айтты.

Иш-чаранын жыйынтыгында катышуучулар салттар элдин көп кылымдык маданиятынын негизи, анын өнүгүшүнүн фактору деген бүтүмгө келип, Кыргызстандын жарандарынын инсандык, улуттук жана мамлекеттик иденттүүлүгүн аныктайт, элдин өзүн-өзү аңдоосун өзгөртүүгө, андагы улуттук эгемендүүлүк принцибин бүдөмүктөөгө жол бербейт, коомдук турмуштагы терс тенденцияларды жоюунун, улуттар аралык чыр-чатактарды жөнгө салуунун, өсүп келе жаткан муундардын мекенчилдик сезимин өнүктүрүүнүн, улуттук жана мамлекеттик идентүүлүктү калыптандыруунун эң күчтүү жана натыйжалуу каражаттарынын бири боллуп саналат деген резолюция кабыл алынды.

А.Токтобаева, “Кут Билим”