1-СЕНТЯБРГА КАРАТА 20 МЕКТЕПТИН КУРУЛУШУ АЯКТАЙТ

Биринчи жарым жылдыкта Кыргызстанда 17 мектеп курулду. Бул тууралуу Мамкурулуштун директорунун орун басары Бактияр Станбеков билдирди.

Мамкурулуштун маалыматы боюнча Ош облусунда – 7 мектеп, Жалал-Абад облусунда – 4 мектеп, Баткен облусунда – 3 мектеп жана  Чүй, Нарын, Талас облустарында бирден мектеп курулган. Анын айтымында 1-сентябрга чейин дагы 20 мектептин курулушу аяктап ишке кирмекчи.

Мындан тышкары жарым жылдыкта эки бала бакча, үч саламаттыкты сактоо мекемеси жана беш спорткомплекси курулуп ишке берилген.

А.Кашыбаева,
“Кут Билим