Туруктуу өнүгүү жана жашыл көндүмдөрдү калыптандыруу

Максаттары:

1. Билим берүүчүлүк: Туруктуу өнүгүү, жашыл көндүм тууралуу маалыматка ээ болушат;
2. Өнүктүрүүчүлүк: Жеке жана топтордо иштөө, долбоор түзүү, жактоо, салыштыруу, өз оюн туура, эркин айтуу көндүмдөрүн өнүктүрүшөт.
3. Тарбия берүүчүлүк: Жакшы мамиледе болуу, жардамдашуу, көмөктөшүү жана бири – бирин сыйлоого багыт алышат.

Көрсөткүчтөрү:

1. Студенттер берилген суроолорго  туура  жооп бере  алышса;
2. Берилген тапшырмалар жана долбоорлор менен иштей алышса;
3. Топтордо бирдиктүү, ынтымактуу, убакытты туура пайдалануу менен иштей алышса.

Убакыт: 1 саат 20 мүнөт.                                                                                                                                                                                                     Сабактын тиби: Билимдерди колдонуу жана  билгичтик көндүмдөрдү  калыптандыруу                                                                                      Сабактын формасы: Аралаш сабак

Сабактын предмет аралык байланышы: адабият, химия, математика, информатика, технология

Сабакта колдонулган ыкмалар: Окутуунун интерактивдүү жана компьютердик технологиялык  ыкмалары — “Акыл — эске чабуул,  видео түшүндүрмө, долбоордук иштер, рефлексия тепкичи, тесттик тапшырмалар, сөзгө түшүндүрмө, баалоо баракчасы .

Сабактын жабдылышы: проектор, компьютер (ноутбук), чөнтөк телефону, вай-фай,   конверттер, ватман, скочт ж.б.

Сабакта шыктандыруучу окутуучу чөйрөсүн түзүү:

Психологиялык чөйрө: студенттерге жагымдуу маанай  тартуулоо менен аларды  өзүн – өзү баалоого, өзүнө болгон ишенимин арттырууга багыттоо жана  жагымдуу маанайдын түзүлүүсүнө  шарт түзүү, ар бир окуучунун сабакка болгон маанайын көзөмөлдөө, пассивдүү студенттерге көңүл бөлүү, шыктандыруу.

Физикалык чөйрө: студенттердин топтордо иштөөсү үчүн ыңгайлуу орундуктарга жайгашуусу.

Академиялык чөйрө: уюштуруу, мугалим менен студенттин ишмердиги (интеллектулдык денгээли), кайтарым байланыш, баалоо техникасы.

Компетенттүүлүктүн негизиндеги сабактын этаптары

Уюштуруу / мотивация. — Саламатсыңарбы балдар! Бүгүн өзгөчө сабак, анткени биздин сабакта коноктор отурат, саламдашып коёлу. Өзүңөргө жаккан конвертти (түстөрдү)  тандап, орундукка отургула.

— Арыбаңыздар! Студенттер өздөрү тандаган конверттин түстөрү боюнча парталарга жайгашышат.  Студенттерге жагымдуу маанай түзүлүп, шыктануулары, сабакка болгон кызыгуулары артат.

Студенттердин билимин актуалдаштыруу:

1. Балдар, силер мурунку, мектептен алган билимиӊерди пайдаланып, экологияга байланыштуу тесттерди азыр “Кахуут” тиркемесине кирип тест менен аткарабыз.

https://create.kahoot.it/details/7727ad36-d3f3-460b-b12a-d7b0d6326be3

Тесттин жыйынтыгы боюнча баалоо баракчаңарга өз упайларыңарды жазып койгула.

2. Ар бир топко долбоорлор алдын ала берилген.

1-топ. Бишкек шаарындагы таза суулардын абалына баа берүү;

2-топ. Бишкек шаарынын абасына баа берүү

3-топ: Таштанды көйгөйлөрү

Мына ушундай көйгөйлөрдүн алдын алуу үчүн Бүткүл Дүйнө жүзүнө, анын ичинде КРда дагы ушул көйгөйлөрдү чечүү үчүн ар кандай иш-аракеттер кылынып келет.

3. Азыр, балдар, бүгүнкү сабактын темасын чогуу аныктайбыз, ал үчүн бул суроого жооп беребиз.

Келечекти камсыз кылышыбыз үчүн эмнени камсыз кылышыбыз керек?

1. Студенттер алдын ала вотсапп группасына жөнөтүлгөн жүктөмө аркылуу сайтка кирип тест менен иштешет.

Тесттин жыйынтыгын баалоо баракчасына жазышат.

1-топ. Бишкек шаарындагы таза суулардын абалына баа берүү;

2-топ. Бишкек шаарынын абасына баа берүү

3-топ: Таштанды көйгөйлөрү

Суроого жооп берип, сабактын темасын табышат.

Сабактын темасы, максаты жана күтүлүүчү натыйжалары менен тааныштырып, талкуулоо:

Өзүбүз аныктап алгандай биздин бүгүнкү тема: Туруктуу өнүгүү жана жашыл көндүмдөр. Биз бүгүнкү сабакта “Туруктуу өнүгүү жана жашыл көндүмдөр” тууралуу өзүбүз билген маалыматтарды андан ары тереңдетебиз; Бул максаттарды ишке ашыруу үчүн дагы эмнелерди билгиңер келгенин,   сабакта кандай аракеттерди көрүү керектигин бири-бириңер менен жупта макулдашып стикерге жазып чаптап кеткиле.

Жаңы тема: “Билим рубрикасы”

1. Туруктуу өнүгүү деген эмне?
2. Анын кандай максаттары бар?
3. Жашыл экономика
4. Жашыл экономиканын максаттары, жашыл экномиканын артыкчылыктары.

Видео көргөзүлөт. 

Студенттер угуучу болушат, берилген суроолорго жооп беришет.

Топтордо иштөө: “Бирге иштейбиз” рубрикасы

1-топко “Адамзатка эмне үчүн туруктуу өнүгүүнүн 17 максаты керек?”

2-топко “ТӨМдүн  17 максатына жетүү Кыргыз Республикасында кандай иш-аракеттер жүргүзүлүп жатат?”

3-топко “Шаарыбыздын туруктуу өнүгүшү үчүн эмне кыла аласыңар?”

Окуучуларга топтордо иштегенге 5 мүн., презентациялоого 3 мүн (ар бир топко) берилет.

Жыйынтыктоо. Рефлексия

Келгиле, балдар, сабактын башындагы өзүңөр койгон суроо-талаптарды талдайлы. (Студенттер стикердеги жазгандарын  талдап чапташат)

Баалоо: Сабактын башында берилген баалоо баракчасы боюнча окуучулардын билими бааланат. Мугалим топторду баалайт. Баалоо баракчасынын негизинде мугалим окуучуларга жыйынтык бааны коет.

Үйгө тапшырма: 1.Туруктуу өнүгүүнүн 17 максаты жана аларга жетишүүгө менин кошкон салымым” деген темада эссе жазгыла. Анда негизги көйгөйлөрдү, алардын ара байланышын жана аларды чечүү жолдорун ачып көрсөткүлө.

Сүйүндүкова Мейизгүл