Кыргыздын улуттук баалуулуктары. Этностем

1.Уюштуруу.

2.Күн тартиби.

3.Көргөзмө менен таанышышат.

4.Табышмак “Боз үй”.

5.Слайд көргөзүү.

6.Балдардн өз алдынча иштөөсү. (Кайтарым байланыш)

7.Жалпы баалоо.

Сабактын максаты:
а) Билим берүүчүлүк: кыргыздын улуттук баалуулуктары боюнча кеңири тааныштыруу.

б) Өнүктүрүүчүлүк: кыргыздын улуттук баалуулуктарын таанып билүүсүн өстүрүү.

в) Тарбия берүүчүлүк: улуттук баалуулуктарды коргоп, барктай билүүгө тарбиялоо.

Сабактын жүрүшү: уюштуруу.

Балдар тарбиячы менен биргеликте бири-бирине жагымдуу маанай тартуулашат.

Тарбиячы: балдар, силер эмнелерди көрүп турасыңар? Туура, калпак, ээр, көөкөр, кам чы, кымыз, боорсок. Буларды мурда көрдүңөр беле? Кана ким айтат калпактын өңү кандай? Туура, калпак ак болот. Калпакты кимдер киет?

Балдар: эркектер киет.

Мугалим: балдар, мен силерге табышмак айтайын:

Тактасы жок, мыгы жок

Чебер уста жасаган.

Ал кандай үй төрт мезгил,

Ата-бабам жашаган.

Бул эмне балдар?

— Азаматсыңар, эң туура, боз үй.  Кыргыз элибиздин улуттук баалуулуктардын бири болгон боз үй.

Тарбиячы: балдар, боз үй эмнеден жасалат?

ЭТНОСТЕМ ыкмасы: ар бир баланын астына боз үйдүн бөлүктөрү таратылып, тарбиячынын жардамы менен курап чыгышат.

Тарбиячы: эми, балдар, боз үйдүн ички жасалгалары менен таанышалы: шырдак, төшөк, туштук ж.б.

Келгиле, балдар, эс алуу көнүгүүлөрүн жасайлы. ”Кара жорго” бийин аткарышат.

Кайтарым байланыш: келгиле, балдар, телевизордон бүгүнкү сабак боюнча кайрадан маектешели. (Балдар боз үйдү өз колдору менен этностем аркылуу курай алышат)

Бышыктоо: бүгүнкү сабакка жакшы катышкандыгыңар үчүн ар бириңерге чүкө берем. Сабак аягына чыкты. Үйдон ата апаңар менен боз үй жөнүндө аңгемелешип келгиле, балдар.

Тарбиячы: Табылды кызы Насыйкат, «Перизат» МЧББ уюму, кенже топ. Тогуз-Торо.