Конус

18.12.2024
0

Мийзамова Сүйүмкан, Ош облусуна караштуу Кара-Кулжа районунда жайгашкан Бөжөк Бегиев атындагы гимназиялык класстары бар орто мектебинин башталгыч класс мугалими

МАТЕМАТИКА, 4-КЛАСС

Сабактын тиби: жаңы билимди өздөштүрүү.

Сабактын формасы: топтордо иштөө.

Сабактын интерактивдүү усулун колдонуу менен жалпы класстагы окуучулар менен жекече, жупта, кичи топтордо иштөө.

Сабакта колдонулган интерактивдүү окутуунун усулдары (методдору): моделдештирүү, практикалоо, багыттоочу суроолор, ыкчам текшерүү.

Калыптандыруучу баалоонун техникалары: кол белги, упай катары берилчү чүкө, алтын, күмүш, коло медалдын үлгүсү, баалоо критерийлери.

Сабактын жабдылышы: ТСО, И.Б.Бекбоев, Н.И.Ибраева “ Математика” окуу китеби 4-кл. үчүн, ватман, маркер, скотч, көлөмдүү фигуралардын модели, буклет.

Сабактын максаты:

Көлөмдүү фигураларды, конустун элементтерин айта алсак.
Конусту башка көлөмдүү фигуралар менен салыштырабыз. Моделин жасайбыз. Мисал-маселе иштейбиз.
Конустун башка фигуралардан айырмачылыгын таба алсак, моделин туура жасай алсак, мисал-маселени түшүндүрүп, негиздей алсак максатка жеткен болобуз.

Сабактын жүрүшү: мугалимдин ишмердүүлүгү.

а) Окуучуларга жагымдуу маанай түзүү.

б) Сабактын максаты менен тааныштыруу.

в) Өтүлгөндөрдү кайталоо (слайддын жардамында).

Окуучуларда түшүнүүнү калыптандыруу: Сүрөттөр көрсөтүлөт. Талкуу болот.

Маселени чыгаруу: Конустун сүрөтүн көрсөтүп, атын атайт. Конустун жайылмасынан көлөмдүү фигура конусту чогултууну тапшырат.

Багыттоочу суроолор: Кайсы фигураны алдыңар? Кимдин фигурасы башкача куралды? Фигуранын чокусу, граны, кыры жөнүндө эмнени байкадыңар? Биздин жашообузда конусту кайсы жерлерден кездештирүүгө болот?

Карама-каршы пикир жаратуу: Асан шляпа конус формасында деп жатат, туурабы балдар? Эмне үчүн? Ага кандай кеңеш бересиңер?

Моделдештирүү: дептерге конустун чиймесин сызабыз.

Топтордо окуу китебиндеги тапшырмаларды иштейбиз.