Этиш

Мергенбек кызы Айчүрөк,Тогуз-Торо районунун №3 Бейше Үрстөмбеков атындагы жалпы билим берүүчү орто мектебинин башталгыч классынын мугалими.

4-класс, кыргыз тили

Сабактын максаты:
1.Билим берүүчүлүк:  Окуучулар этиш сөз түркүмү боюнча билимдерин тереңдетишет, сүйлөмдөн суроо берүү менен этиш сөз түркүмүн табууну үйрөнүшөт.
2.Өнүктүрүүчүлүк:  Этиш сөздөрдү талдап, салыштырып, далилдеп, жыйынтык чыгарууга көнүгүшөт.
3.Тарбия берүүчүлүк: Бири-бирин сыйлоого, топтордо ынтымактуу иштөөгө тарбияланышат.
Сабактын тиби:  Жаңы билимди өздөштүрүү
Сабактын формасы: Жекече жана топто иштөө.( Таймаш сабагы)
Колдонулуучу методдор жана ыкмалар:   Түшүндүрүү, айтып берүү, жекече иштөө, топто иштөө, интерактивдүү методдор,дидактикалык оюндар, жасалма интелект   ж.б.
Сабактын жабдылышы: Интерактивдүү доска. Магниттүү доска, ТВ, ж.б.
Колдонулган сайттар: ibilim.kg,  wordwall.net,(Жасалма интелекти үчүн колдонулуучу сайт)virbo,Canva
Сабактын жүрүшү:
Ак сандыгым ачылды
Күндүн нуру чачылды
Бүгүн биздин класста
Кыргыз тили сабагы башталды
Окуучулардын бири-бирине (стикер жүрөкчө) чаптоо менен жакшы сөздөрдү айтып, бири-бирине жагымдуу маанай түзүлөт.
Жол чырактын түстөрү менен окуучуларды 3 топко бөлүп алат.
1-топ — «Кызылдар» тобу
2-топ — «Жашылдар» тобу
3-топ — «Сарылар» тобу
Окуучуларды баалоо кызыл, сары,жашыл чүкөлөрдүн  баштыкчаларга чогултуп топто бааланат. Жекече баалоого утуш оюну ойнолот. Ар бир жооп үчүн 1ден 36 га чейинки билеттерди ар бир окуучу өзү каалаган номерди тандап, алдына чогулта берет. Сабактын жыйынтыгында “Утуш”оюну ойнотулат. 4 мүмкунчүлүк болот окуучулар үчүн кайсы номер чыкса ошол бала утушка ээ болот.
Үй тапшырмасын суроо: ibilim.kg сайты боюнча тест түзүлүп, өтүлгөн теманы кайталап, үй тапшырмасы суралат.
Жаңы темага өбөлгө түзүү: Ребус аркылуу жаңы темага өбөлгө түзүп алат.

Сабактын максаты менен тааныштырат.
Жаңы тема: Заттын кыймыл-аракетин, ал-абалын билдирип, эмне кылып жатат? Эмне кылды кылды? Эмне кылат? Кантти? Деген суроолорго берген сөз түркүмүн этиш деп айтабыз.
Мисалы: чуркап бара жатат, ойноду, окуйт.

       “Физкультура” ыры окулат
Футбол теп, шахматты бил, чебер жүрүп,
Жеңип чыгып, жигиттерди четке сүрүп.
Жарышкын, секиришкин, диске көтөр,
Антпесең тең туштарың жүрөр күлүп

Жарашпайт жабык жүрүү жаш муунга,
Ачык бол, өнөр үйрөн, бекер турба.
Ооруну соолор сүйбөйт, оору жаман.
Соолуктун атасы ким?- Физкультура.
А.Осмонов

1-тапшырма оозеки иштөө: 1-көнүгүү. Табышмактын жандырмагын тапкыла. Андагы этиштерди белгилегиле.
Топтук иш:
1-топ “Кызылдар” тобу: Ырдын 1-куплетинен кыймыл-аракетти билдирген сөздөрдү табышат.
2-топ “Жашылдар” тобу: Ырдын 2-куплетинен кыймыл-аракетти билдирген сөздөрдү табышат.
3-топ “Сарылар” тобу: Стикер аңгеме менен иштешет. Калтырылган сөздөргө сурөттөрдү чапташат.
2-тапшырма. Жасалма интелектин жардамы менен сүрөттү сүйлөтүп кийинки тапшырма берилет.
Белгилүү спортчу Роналдо сүйлөп, сүрөттөргө сүйлөм түзүү тапшырмасын берет.
Ар бир топ убагында бааланып турат.
3-тапшырма. wordwall.net сайты менен спорттун түрлөрү боюнча  крассворд түзүлүп, окуучулар кызыгуу менен иштешет.
Сабакты бышыктоо: Мугалим окуучуларга жөн гана актай кагаздарды таратат. Окуучулар бул кагаздарга этиш
сөз түркүмү боюнча суроолорду жазып, каалашынча тоголоктоп, бири-бирине ыргытышып, ойношот.
Качан мугалим коңгуроону какканда токтотуп, кимге кандай кагаз келсе ачып, ичинде жазылган суроолорго
жооп беришет.
Жыйынтыктоо: Мугалим окуучуларга светафордун түстөрү менен эгерде, окуучу сабак жакты,түшүндүм десе кызыл тегерекчени,  мугалимге суроом бар десе жашыл тегерекчени, жакшы түшүнбөй калса сары тегерекчени салышат.
Үй тапшырмасын берүү: 7-8-көнүгүү
Баалоо: Мугалим окуучуларды баалайт. 13 упай менен “Кызылдар”тобу жеңишке жетишти
12 упай менен “Сарылар” тобу экинчи орунда
9 упай менен “Жашылдар” тобу үчүнчү орунда
Жеке баалоодо “Утуш” оюнун ойнотот. Мугалим баштыкчага номерленген чүкөлөрдү салып, колу менен алып
чыгат.  25, 32, 8, 27 номерлери мугалим тарабынан берилген мүмкүнчүлүктөргө ээ болушту.