ОшМУ “Мбанк” менен кызматташат

Ош мамлекеттик университети менен “Мбанк” («Кыргызстан» банкы) коммерциялык банкынын Ош шаарындагы башкы дирекциясынын ортосунда кызматташуу келишимине кол коюлду. Меморандум аталган банктын Ош шаарындагы филиалынын жетекчиси Гүлзат Медетованын окуу жайга болгон иш сапарынын алкагында ишке ашты.

Медетбекова ректор Кудайберди Кожобеков менен жолукту. Анда эки тарап бизнес, экономика, юриспруденция жана IT адистиктери боюнча билим алып жаткан студенттерге практика жана стажировкадан өтүү мүмкүнчүлүктөрү боюнча макулдашты. Андан сырткары университет менен биргелешкен долбоорлорду ишке ашыруу боюнча сунуштар айтылды.

Меморандум беш жылдык мөөнөттө ишмердүүлүгүн жүргүзөт.