НООРУЗ  — ЖАЗДЫН ЖАНА КАЙРА ЖАРАЛУУНУН МАЙРАМЫ

Балдардын жана өспүрүмдөрдүн “Сейтек” улуттук борборунда Нооруз майрамына карата “Сейтек” борборунун таланттуу балдары, Билим берүү жана илим министрлиги жана Тышкы иштер министрлиги менен биргеликте даярдалган иш-чара өттү.

Кыргызстанда 21-мартты элдик Нооруз майрамы катары жарыялаган Жогорку Кеңештин мыйзамына 1991-жылдын 1-февралда кол коюлган. Кыргызстандыктар Ноорузду 31 жылдан бери салтанаттуу түрдө чыгармачылык менен майрамдап келатабыз.

Иш-чаранын максаты — Нооруз майрамын «Сейтек» борборунун чыгармачыл жамааттарынын чеберчилиги аркылуу Кыргызстанды мекендеген элдердин маданиятын, каада-салтын көрсөтүүнү көздөдү. Мындан сырткары  дүйнө элдеринин бийлерин жана ырларын ырдап, бийлеген таланттуу балдар аркылуу маданияттын көп түрдүүлүгү көрсөтүлдү.

Ошондой эле “Сейтек” борборунун 1-кабатынын фойесинде элдик чыгармачылыктын көргөзмөсү уюштурулуп, анда Нооруз майрамы белгиленүүчү өлкөлөрдүн прикладдык искусствосу, кийимдери, сувенирлери менен таанышууга мүмкүнчүлүк түзүлдү.

Г.А., “КБ”