НЕКРОЛОГ – АСАН АРТЫКБАЕВ

Ош облусунун билим берүү тармагы оор жоготууга учурады. Кыргыз
Республикасынын билим берүүсүнүн мыктысы, Ош билим берүү институтунда
көп жылдан бери үзүрлүү эмгектенип, ардактуу эс алууга чыккан Асан
Артыкбаев 2023-жылдын 21-июлунда 73 жашында дүйнөдөн кайтты.

Артыкбаев Асан Бакирович 1950-жылдын 5-январында Ош облусунун Ноокат
районундагы Көк-Бел айылында туулган. 1958-жылы айылдагы жети жылдык
мектептин 1-классына кабыл алынып, орто мектепти 1968-жылы аяктаган. Ошол
эле жылы Ош Мамлекеттик Педагогикалык Институтунун физика-математика
факультетине кирип, аны 1972-жылы ийгиликтүү аяктайт. Алгачкы эмгек жолун
Ноокат районундагы А. Үсөнбаев атындагы орто мектебинде математика
мугалими болуп иштөөдөн баштаган.

— 1972-жылдан 1975-жылга чейин – Ош облусунун Ноокат районундагы А.
Үсөнбаев атындагы орто мектебинин математика мугалими;
— 1975-жылдан 1980-жылга чейин- Ош облусунун Ноокат районундагы А.
Үсөнбаев атындагы орто мектебинде директордун окуу-тарбия иштери
боюнча орун басары;
— 1980-жылдан 1990-жылга чейин — Ош облусунун Ноокат районундагы А.
Үсөнбаев атындагы орто мектебинин директору;
— 1990-жылдан 2004-жылга чейин — Ош облусунун Ноокат райондук билим
берүү бөлүмүндө мектептер бөлүмүнүн башчысы;
— 2004-жылдан 2008-жылга чейин – Ош шаардык билим берүү
башкармалыгынын мектеп жана мектепке чейинки билим берүү
бөлүмүнүн башчысы;
— 2008-жылдан 2012-жылга чейин — Ош шаардык билим берүү
башкармалыгынын башчысынын орун басары;
— 2012-жылдан 2020-жылга чейин Ош билим берүү институтунун
директорунун орун басары;
— 2020-жылдан 2021-жылга чейин Ош шаардык билим берүү
башкармалыгынын окуу-усулдук каанасынын башчысы;
— 2021-жылдан 2022-жылга чейин кайрадан Ош билим берүү институнунун
координация бөлүмүнүн кызматкери болуп иштеген.
Өмүрүн билим берүү тармагына арнаган Асан Артыкбаев 2 уул, 3 кыздын
үлгүлүү атасы болду.

Маркумдун жакындары менен туугандарына терең кайгыруу менен көңүл
айтабыз.

Ош билим берүү институту