КОҢГУРООНУН ОРДУНА КОМУЗ ЖАҢЫРАТ

Бишкектин мектептеринде танаписти жарыялаган коңгуроонун ордуна эми комуз күүлөрү жаңырат. Бул тууралуу мэриянын басма сөз кызматы билдирди.

Комуз күүлөрү азырынча №3, 51, 93, 95, 96, 97, 99 жана №100 мектептерде жаңыра баштамакчы. Билим берүү мекеме-уюмдары окуучуларды кыргыз элинин тарыхы, адабияты, каада-салты менен жакындан тааныштыруу жана кеңири жайылтуу максатында ушул кадамга барууда. Окуучуларды танаписке чакырган коңгуроонун ордуна Нурак Абдрахманов, Асылбек Насридинов, Закирбек Дүйшөналиев сыяктуу композиторлордун жана комузчулардын күүлөрү тандалып алынды.