КЕСИПТИК ЛИЦЕЙЛЕРДИН ОКУТУУЧУЛАРЫ КВАЛИФИКАЦИЯСЫН ЖОГОРУЛАТУУДА

Жалал-Абад облусунун Ала-Бука районундагы №21 кесиптик лицейинде “Өндүрүштүк окутуунун мазмунун жана методикасын окутуу” боюнча курс өтүлүүдө. Аталган курс 27-сентябрдан 3-октябрга чейин созулат.

Окутууга №21, №53, № 69, №46, №89, №111 кесиптик лицейлеринин өндүрүштүк окутуу боюнча окутуучулары катышууда.

Курста өтүлүп жаткан темалар :

• Өндүрүштүк окутуу устаттарынын укуктук- ченемдик жана жүгүртүүчү документациялары;
• Өндүрүштүк окутууну пландаштыруу, окуучулардын жумушчу нормасын чыгаруу  коэффиценттери;
• Өндүрүштүк окутуунун мазмуну жана методикасы;
• Билим берүүдөгү социалдык өнөктөштүк;
• Өндүрүштүк окутуунун формасы жана сабактын структурасы;
• Инструкциялык — технологиялык картанын функциясы жана формасы;
• Кесиптик окуу жайларда кесипке багыттоо иштерин уюштуруунун жаңыча ыкмалары жана жолдору;
• Тарбиялык иштерди пландаштыруу ж.б.

Окутуу курсунун аягында катышуучуларга РИМБдин квалификацияны жогорулаткандыгын тастыктаган сертификаты берилет.